رسمة الدوخلة !

طبعاً الكل يبغى يعرف رسمتي الا شاركت بها في الدوخلة
في ناس عرفوها من أسمي
بالرغم انهم ماحطوه من البداية
من المفترض أنهم يعرفوها تلقائي مافي الا هي فريدة من نوعها
لانها أنيمي
xD

لازم احط اسمي و شسمه 

TvT

جميع الحقوق محفوظة 

طبعاً ما احلل لأحد يسرق اللوحة 

تدرون ان العيلة انبهروا من الرسمة

حتى امي الا ماتحب هـ الاشياء عجبتها

هع هع

يعني لقيت كثير من المدح

إن شاء الله السنة الجاية أشارك بأكثر من لوحة

=))

هذا لما كانت في المعرض 

قايلة لكم بصور معاها

ظلي ظاهر في الصورة

حاولت بشتى الطرق اني اخفيه

بس قلت يالله غير ظل 

لووول xD

:

سو في النهاية اتمنى عجبتكم الرسمة

و أرحب بجميع الانتقادات =))

See Ya 

3=

خربوشـآت !

قبل إسبوع مدري إسبوعين ..
إنصدمت صدمة قوية ..
كنت في بيت إختي .. 
نتصفح الفيس بوك كالعادة و نطالع بروفايلات البيبل ..
لفت إنتباهي بنت حاطة صورتها الشخصية..
رسمة قديمة لي لبنوتة إسمها "Mine Mie "
حطيتها في منتدى قبل سنة !
حتى الدليل إنها رسمتي .. إسمي " Saya Chan " موجود فيها 
مدري أضحك ولا أعصب xDDD
آلمـهـــمززز !! 
حبيت أرويكم خربوشـآت قديمة ..
راسمتها في الديفنت آرت Muro 

أول محاولة لي في المورو ...
ي ليت يسووه برنامج ..
حبيت الرسم فيه ^ن^

أتمنى عجبوكم هالكم شخبوطة ...
صاير هـ الايام ملانة ارسم ..
حتى المذاكرة ملانة اذاكر 
جالسة امخمخ على رواية جديدة ^ت^
دعواتكم إني أخلصها ...
Ja Naaa !!

じゃな。。

Group Frogy GirlZ >> شلة العباطة xD

احم احم ..
خلصت رسمتي حق الدوخلة ..
طلعت بيرفكت عيني على نفسي باردة ..
لما يعرضوها في المعرض رح اصورها و اصور معاها و بخلي العيلة كلها تصور معاها 
<<-- لا تلوموها اول مرة تشارك xD
المهم !
حبيت أتكلم اليوم عن شلتنا في الكلية ...
البارحة جلست اسولف مع وحدة من الشلة .. " شومي تشان "
بعدين قامت راحت تنام ..
كلمت " لولو تشان" 
قالت لي أحنا كل وحدة خبالها غير ..
مدري ليه قمت أضحك بقوة ..<<-- جنون منتصف الليل 
حسيت كلامها صحيح ..كل وحدة خبلة بشكل غير
طبعا تبون تعرفون ليش سمينا القروب فروقي جيرلز !
سلمكم الله هذا أول ماتخصصنا أنا و لولو تشان و ماروكو أحياء عامة ..
و صرنا طول الوقت مع بعض في المحاضرات و الهياتة و و و ألخ !
فقررنا نسمي قروبنا ..
كان هذا في محاضرة البيئة في السنة الأولى السمستر الثاني ..
كنا مستهبلين أقوى شيء .. و هكذا خلاص تم اطلاق هذا الأسم علينا 
بعد فترة أنضمت لينا كايوكو و ساكو تشان .. مع أنهم للحين ماتخصصوا بس صاروا ويانا 
و أنضمت بعدهم شومي تشان ..كانت ويانا لما تخصصنا بس شعبتها غير عنا ..
أعضاء القروب هم ..
أني طبعاً " سايا تشان "
يحتاج أوصف نفسي xD
لولو تشان 
هذي النفرة لما كنا في تحضيري .. كنت أكرهها " لا أحد يسأل ليش ؟ " 
بس مدري سبحان مغير القلوب .. صرنا طول الوقت مع بعض 
تقدروا تقولوا شبيهتي ..بس تفرق عني في اشياء 
جريئة .. و اجتماعية .. حساسة .. تحب تعاند البنات بشكل مو طبيعي 
ماروكو 
لما كنت في تحضيري ما كان لي علاقة بها .. مع انها كانت معاي في الشعبة ..
بس لما تخصصنا و صرنا مع بعض صارت علاقتنا قوية =))
هذي النفرة مخلوقة من الطيبة .. بس تضحكني لما تتهاوش مع لولو xD
كايوكو تشان 
ههههههه .. هذي النفرة كانت تكرهني ..
كانت تفكرني عصبية و ما أعطي وجه لأحد ..
بس لما كنا في تحضيري .. شافتني أرسم فيسات حق بنات أنيمي ..و هي كانت جالسة جنبي 
و عجبها و قالت لي أرسم ليها... بعد هذاك اليوم صرنا نتكلم مع بعض ..
و عرفت أنها مثلي تحب اليابان و كوريا ..و ترسم أنيمي .. و تحب سوبر جونير خ خ خ  في هذيك الفترة ما كنت أحبهم لهناك
بس بعدين حبيتهم هع 
و هي الا عرفتني على ساكوتشان =)
ساكو تشان 
عرفتني عليها كايوكو بعد ماعرفت أني مثلها أو هي مثلي ..
شأوصف فيها ؟
رسامة أنيمي بارعة .. اللهم صل على محمد و آل محمد 
هي الا شجعتني أني أرسم بالتابلت ..
أحيانا أحاول أقلدها * غيورة*
هادئة .. لكن خلف هدوئها شخص ثاني 
ما يطلع الا لما تتهاوش مع لولو 
لكن خسارة ما صارت ويانا في التخصص .. هي تخصصها رياضيات =))
شومي تشان ..
تعرفت عليها أول ماتخصصنا .. بس ما كان لنا علاقة فيها 
يعني مو دائما تجي معانا ..
بس لما بدأنا سنة ثانية صارت كل معانا و تجلس معانا ..
تحب ترسم لكن رسمها مو لهناك * بتتكفخ*
يعني يبي لها تدريب و تشاهد أنيمي واجد مثلنا
الشيء الا جاب سكتة قلبية أنها من نفس برجي
حتى كايوكو أستغربت .. !!
قالت غييييير ... فرق بين السماء و الارض 
بس أحس فينا شيء مشترك ..
طيبين لدرجة السذاجة .. xD
و بسسسسسْْ
أتمنى أني مانسيت أحد ..
طبعاً بحط في مدونة ثانية عن أصدقاء الطفولة و الثانوية الا للحين ا ليي علاقة فيهم
=)
نلتقي في مدونة أخرى =))

alone !

السلام عليكم و رحمة الله و بركاته ..

أسفة لعدم تواجدي في صفحتي ..

صارت عندي شوية ظروف ..

*few* 

أحتاج وقت لراحة ..

نفسياً تعبانة جداً

اليوم مارحت الكلية ...

جلست متأخرة و ماحبيت أأخر السواق ..

و غير كذا فرصة أني اذاكر كيمياء عضوية ..

.....

الحياة بدون أمي و أبوي ما تسوى شيء 

متعودة لما أرجع من الكلية أسمع صوت أمي تصلي..

و أبوي جالس بالمجلس يشاهد ..

متعودة أني كل صباح أمر أصبح على أمي و أجلس معاها شوي قبل لا يجي السواق ..

أحس بوحدة موطبيعية ..

مافي ألا أنا و أختي و الشغالة ..

و أخواني ساكنين في الطابق الثاني ...

......

برب أذاكر او أرسم =)

أراكم بعد ما أخلص لوحتي ..

إن شاء الله